यवतमाळ जिल्ह्याच्या क्रीडा विभागात आपले स्वागत आहे. जिल्हा क्रीडा अधिकारी कार्यालयामार्फत जिल्ह्यात शालेय क्रीडा स्पर्धा आयोजित केल्या जातात आणि राज्यातील क्रीडा विकासाशी संबंधित योजना राबविण्याचे काम केले जाते. राज्य सरकारकडून क्रीडा विकासासाठी राज्य आणि जिल्हा पातळीवर अनेक योजना/उपक्रम राबविले जातात. या योजना/उपक्रमांची यशस्वी अंमलबजावणी जिल्हा क्रीडा अधिकारी कार्यालयामार्फत केली जाते. खेळ ही निसर्गाने मानवाला दिलेली देणगी आहे. प्रत्येक मानव कोणत्या ना कोणत्या प्रकारे क्रीडा क्षेत्राशी जोडलेला आहे. काही जण या क्षेत्रात थेट सहभागी आहेत तर काही जण सहाय्यक भूमिकेत या क्षेत्रात सहभागी आहेत. म्हणूनच, क्रीडा क्षेत्रातील अद्ययावत माहिती सर्वांना उपलब्ध करून देण्याचा हा प्रयत्न आहे. यवतमाळ जिल्ह्याच्या क्रीडा क्षेत्रातील विकास, विविध स्पर्धा, प्रसिद्ध खेळाडू, पुरस्कार विजेते, क्रीडा सुविधा इत्यादी माहिती सर्वसामान्यांसमोर सादर करताना खूप आनंद होत आहे. या माध्यमातून आपला जिल्हा क्रीडा क्षेत्रात काय करत आहे याचे चित्र तयार करणे सोपे होईल. तसेच, आपल्या जिल्ह्यातील क्रीडा क्षेत्रातील उणीवा भरून काढण्यासाठी नियोजनबद्ध प्रयत्न करणे शक्य होईल. या माध्यमातून सरकारकडून क्रीडा क्षेत्रासाठी राबविल्या जाणाऱ्या योजनांच्या प्रत्यक्ष अंमलबजावणीचा आढावा घेणे देखील शक्य होईल. या वेबसाइटद्वारे जिल्हा क्रीडा अधिकारी कार्यालयाकडून केले जाणारे काम आणि विविध सरकारी योजना तसेच यवतमाळ जिल्ह्यातील सध्याची क्रीडा परिस्थिती सर्वांसमोर मांडण्याचा प्रयत्न केला जात आहे. नागपूर जिल्ह्यातील सर्व खेळाडू आणि क्रीडाप्रेमी नागरिक या प्रयत्नाला पूर्ण पाठिंबा देतील आणि या सरकारी उपक्रमाला यशस्वी करण्यासाठी सहकार्य करतील अशी आशा आहे.